أمل فألـــم

موضوع: أمل فألـــم الجمعة ديسمبر 11, 2009 6:43 am

السلام عليكم،،

راح احط لكم هالقصه مثل ماحطها راوي القصه

""هذي قصتي وأتمنى منكم التفاعل
فكتبتها لكم لكي تهونون علي ماأصابني

نبدأ
بشخصيات القصة
هم
عبدوش أنا طبعا
علي ولد عمتي
محمد ولد عمتي وأخو علي
أحمد أبوه توفي وهو بصف خامس
وأمه سودانيه ومتحمل أقصى المسؤولية
الجندي علي
كان بدورة عسكرية

بداية راح أوضح لكم كل شئ
أنا أكبر أخواني عمري 21
علي يتوسط أخوانه وعمره 21
محمد أكبر من علي وعمره 22
أحمد عمره 21
الجندي علي عمره 21
حبايبي أتمنى أنها تعجبكم
ووفقت لسرد قصتي
كتبت القصة بطريقة كأنكم عايشتموها

فإليكم
يوم الثلاثاء
علي / ياشباب إنتم بكرة معزومين بالبيت
عالغدا
كلنا / أوكي
أحمد / بس ماقلت شو المناسبة ؟؟؟
علي / بمناسبة شهادة الدورة حقت
الجندي علي من أمن المنشآت واللي
بيآخذها يوم السبت
عبدوش/ أوووف دايم تسبق بأفكاري
الجندي علي /
والله ياشباب أحرجتوني بس فرصة
ننوع الأكل
الجميع / ههههههههههههههههههههه

يوم الأربعاء
محمد / إرحب هلا عبدوش
عبدوش / هلا فيك
وين علي ؟؟؟
محمد / علي ألحين جاي
عبدوش / أفااااا الشباب لسة ماجوو
محمد / ومن بيجينا من ألحين غيرك
عبدوش / وش ذا الكلام ياولد عمتي ؟؟
أعتبرها طردة يعني ؟؟
محمد /أفااا ياولد خالي ماعاش من يطردك
بس جيتك تقول إنك جاي لشئ ثاني ..
عبدوش/مثل؟؟!!
محمد / الغدا مثلا
عبدوش / أفااا أصلا صايم اليوم
محمد / أفاااا يعني اليوم محد يسب الثاني .
وهذا صاحبك علي جاء ..
عاد علي صاحبي مافكه لو أموت لأن
اللي بيني وبينه والله 8 أيام فقط
تبادلنا أنا وإياه السوالف
حتى دق الجرس
علي / عن إذنك عبدوش بروح أفتح الباب
عبدوش / إذنك معك
علي / هلا والله أحمد
أحمد / هلا فيك لاتقوللي إن أبوك بالمجلس
علي / لا أبوي نايم بغرفته
إلا وين الجندي علي ؟؟؟
أحمد / الحمد لله جبت اللاب توب حقي
والجندي علي / ألحين جاي لاتقفل الباب

دخل أحمد وسولفنا شوي
وشوي ويفتح اللاب توب

ونتصفح فيه
حتى دخل الجندي علي
وإستانسنا معه كثير

وشوي جاب محمد الغدا

وبدينا نتغدا شوي ويرفع
محمد عينه
محمد / عبدوش أقول يالغالي
عبدوش / هلا وش تبي تقول
بس لاتسب إحنا قدام نعمة .
محمد / لا مو سب بس أبي
أسال .
عبدوش / تفضل بكل سرور
محمد/ أخبار الصيام معك
الجندي علي / أي صيام ؟؟!!
عبدوش / صمت عن الكلام
الذي يجرح كل قلب إنسان
محمد / ياهووووووووووه !!
عبدوش / خلاص لاتمدح ؟؟
محمد / لا لا لا أبيها منك كشاعر .
عبدوش / الرجاء لاتمدحني
فيكبر راسي
الجميع / ههههههههههههه
خلصنا من الغدا ورفض
الجندي علي مايخرج حتى
نوعده إننا نجيه للغدا بكرة
وبدورنا وعدناه
يوم الخميس
ذهبنا إليه أنا ومحمد وعلي وأحمد
بسيارة علي
الجندي علي / هلا والله
تو مانور البيت
الجميع / منور بأهله
الجندي علي / تفضلوا ليش واقفين برا
البيت بيتكم
دخلنا وهو ماشاء الله مجهز كل شئ القهوة
والشاهي

أثناء الحديث .
أحمد / ياشباب اللي مابيجي ليلة زواجي
بألف ريال لاشوف وجهه
الجميع / هههههههههههههههههههههههه

الجندي علي / استأذن ياشباب
بروح أجيب الغدا
أحمد / من وين بتجيبه
الجندي علي / أمي جهزته وأنا رايح
أجيبه
أحمد / لاتقول إنه الأهل اللي سوووه
الجندي علي / إيه الأهل سووووه
أحمد / ياخي كان قلتلي إن مامعك فلوس
وأروح أنا أشتري الغدا
الجندي علي / ههه يازينك ساكت
الجميع /هههههههههههههههههههههه

وإحنا على الغدا
الجندي علي / ياشباب سمعتو بخالد ؟؟
عبدوش / من خالد ؟؟
أحمد / ولد جارنا ؟؟
عبدوش / وش فيه سلامات ؟؟
الجندي علي / مريض شوي ومنوم
ونبي نزوره اليوم ..
الجميع / أوكي
علي / أحسن جبت سيارتي
الجندي علي /
لا لا بسيارتي لأنها وسيعة شوي
إتفقنا
الجميع / إتفقنا
وإحنا خارجين شفت أحمد قدامي
فدورته بسرعه وخليت صدره مواجهلي
وضميته بقوووووة
أحمد بصوت مخنوق / عبدوش فكني
بمووووووت
عبدوش / بفكك بس توعدني ماتسوي شئ
أحمد / وربي ماسويلك شئ
عبدوش / أوكي
أحمد / آآآآآآآآآآآه بغيت تطلع أماصيري
الجميع / هههههههههههههههههههههه
وبعد ماركبنا السيارة
أبو علي ومحمد يتصل وطلع أبوه
أبوه / السلام عليكم
علي / وعليكم السلام ,, هلا يبه
أبوه / متى تجي البيت ؟؟ أبي أعطيك
فلوس عامل المزرعة توديه له
علي / إبشر ألحين أجيك مع السلامة
أبوه / مع السلامة
الجندي علي / هيه إنت نسيت ليه ركبنا
علي / لا مانسيت بس أبوي يبيني وبروحله
الجندي علي / أوكي إنتبه لنفسك
علي / أوكيه ,, عبدوش معي ؟؟
عبدوش / أفضل ذلك
الجندي علي / ياهووووه ليه كذا
عبدوش / أصلا عندي مباراة ألحين ويمكن نرجع
من المستشفى على المغرب بعدها وش بأستفيد
الجندي علي / مع السلامة يازيدان زمانه
الجميع /ههههههههههههههههههههه

عبدوش / علي أقسم لك بالله ماأدري وش ركبني
معك
علي سااااااكت .
بعد ماوصلت البيت طفيت جوالي بالغرفة و
ورحت أبي أبدل عشان المباراة
وأنا خارج قابلت عمتي أم علي ومحمد تبكي
عبدوش / عمتي وش فيك ؟؟؟؟؟؟؟؟!!!!!!!!
عمتي / إنت هنا ,, وعلي ومحمد وينهم .
عبدوش / علي راح المزرعة ومحمد مع الشباب
راح يزاور مريض
عمتي / آآآآآآآه
عبدوش / عمتي وش فيه
عمتي / الشباب صار عليهم حادث
عبدوش / إيشششششششششششش !!!!!
في هذا الوقت
أبوي يتصل على علي لأن جوالي مقفل
أبوي / علي ,, السلام عليكم
علي / هلا خالي
أبوي / عبدوش وينه
علي / عبدوش خليته بالبيت ورحت أنا المزرعة
أبوي / طيب محمد وينه
علي / محمد مع الشباب راح المستشفى
أبوي / لا ياشيييييييييييييخ وش تقول ؟؟
علي / خالي وش فيه
أبوي / أصحابكم صار عليهم حادث
علي / وش تقوووووووووووووول خالي ؟؟
أبوي / هذا اللي صار وإن شاء الله سليمة ..
علي / إن شاء الله مع السلامة
وبطريقي للمستشفى
كنت منزل راسي ما أدري وش أقول
وأنا بسيارة عمي
عمي / يا الله هذه هي السيارة
عمي2/ شكلها هي وقف خلنا نطالع
جيت بأنزل بس قبل أنزل لفيت أشوفها
بس من شفتها ماقدرت أنزل
أسأل نفسي
من فيهم حي ؟؟
وصلنا المستشفى
حصلت علي قدامي
عبدوش / علي وش صار لهم
علي / خير إن شاء الله
عبدوش / أقول لاتسوي نفسك
مثل الكبار وماتعلم أحد
علي / وش تبيني أقول يعني
عبدوش / علي قول وش صار والله
ترا مابيحصل طيب
علي / طيب خلنا نطلع برا
عبدوش / هيا
عبدوش / الله يرحم والديك وش صار لهم
علي / الجندي علي محتاج دعواتك
عبدوش / ماااااااااااااااااااااااااااااااااااااااات
علي / إيه
عبدوش / وأحمد
علي / ودوه للأشعة المقطعية
طبعا ماسألت عن محمد لأني شفته وكانت
حالته الله عليم بها

رحت صليت العشاء ودعيت بسجودي
لهم وخصوصا لأحمد أمه المسكينه
عايشه بغربة وهو اللي متحمل المسؤولية
بالبيت وهو اللي دايم أفضفضله همومي
أهم شئ وبعد ماصليت
خرجت إلا وبالإسعاف واقف وما أدري ليه !!!

خالي دكتور سألته
عبدوش / خالي كيف أحمد ؟؟!!
خالي / بصراحة محتاج لدعواتكم حالته مو مستقرة
عبدوش / راح يعيش
خالي / عبدوش دعواتك له وإنشاء الله يعيش
وألحين بنوديه جدة بالإسعاف
عبدوش / إيش بتودون أحمد جدة ,,
لاتودونه أبيه يكون قريب مني
وأزوره كل يوم وأشوفه وبدت دموعي تنزل
خالي /عبدوش جدة فيها مستشفيات أفضل
ودكاترة أفضل وراح من عندي
وشوي وبمكاني وبجلوسي
الإسعاف راح وقفت الإسعاف راح فاضي

جاني علي
عبدوش/ علي الإسعاف ماأخذ أحمد صح ؟
علي / إيه ويقولوا حالته موب مستقرة
عبدوش /الحمدلله إنه بيبقى هنا .
علي / والله صدقت
عبدوش /علي أنا راح أدخل بتدخل معي
علي / لا بأجلس هنا أحس إني مخنوق شوي
دخلت وشفت أبوي حاط ظهره على الجدار

قلت فرصة أفرحه
وهمست بأذنه
عبدوش/ يبه الإسعاف راح وأحمد هنا
أبوي / أحمد توفى
لفيت راسي لبوي بسرعة
عبدوش / كذاااااااااااب
أبوي / ساااااااااااااااكت
أخواني أخواتي
لاتلوموني ووالله إنها خرجت فجأة وبدون
شعور وحتى أبوي ماأستغرب أي ردة فعل
مني كوني صاحبه وأنا القريب منه أكثر

كل شئ أمامي أسود ماشوف قدامي أحد
شفت الباب طلعت برا قابلني علي
علي / عبدوش وش فيك
عبدوش / أحمد
فهم قصدي
ورحت لنخلة ونزلت مني دموع
مو أي دموع وحتى راسي بدأ كأنه بينفجر

بعدها رحت عند جدار وأسندت ظهري عليه

وفجأة
أسمع ناس يهرولون بس مافيني حيل أشوفهم

شوي والصوت يقترب مني

أطالع قدامي سيارة كبيرة ماشيه عكس الشارع
وفاتحة الشنطة اللي ورى والسيارة أعرفها

بس في الوقت ذا يمكن أنسى نفسي

شوي إلا برجال شايلين واحد على أكتافهم
بس لساتهم قريبين وشوي وعرفت إنه أحمد

ومحمد
حولوه جدة وبعد فترة طويلة تشافى
إصابة خطيرة برقبته بكسر فقرتين منها
و بتر لإصبعه الصغير

علاقتي مع علي
بدت تسوء فليس نحن من كنا لأننا تعودنا
بأحبابنا كلهم

نسأل الله لهم جنات الخلد
آسف إذا أزعجتكم
بس لأنكم أحباب قلبي

حبيت أن يكون أحد يشاركني همومي
بس بصراحة مالي صديق هنا

عشان كذا أرسلتها لكم

أسألكم بالله أن تدعوا لهم

عــبــدوش""

طبعــآ القصـهـ منقوولهـ مو انا كاتبتهــاآ
لوولز
تحياتي :
دندون

تسلم